追蹤
一個人 走江湖
關於部落格
3'x5'的書桌上的爬行活動

  • 3602

    累積人氣

  • 0

    今日人氣

    0

    追蹤人氣

《阿媽原來是外星人》

黃昏中的病房裡,阿頭 望著肥媽媽在病床上呼呼入睡。醫生把阿頭喚到外邊去,說了很多話,阿頭聽後心情沉重。

 

回到家,家裡亂到七彩,很明顯,自阿媽入院後,家裡就沒有執拾過。阿頭嘗試執拾清理,但執了整整一夜,還是越執越亂......

 

「嘩,簡直係不可能任務!.... 阿媽以前係點執架?」

 

一段段往事,浮現在阿頭的腦內:

 

八歲的阿頭攤係地板上,望著電視津津有味;小小的屋內,阿媽以「旋風式」速度把屋企執到井井有條(快到你睇唔到!)時鐘則持續每個小時地過去......搭到四點正,媽剛好搞掂,大門開,各兄弟姊妹放學湧回家,媽送上剛自製好的蛋糕…..

 

屋村的長樓梯,阿媽拿著一支生抽、兩罐生油、三舊蘿白、五個橙、六磅砂糖..... 同埋揹著兩個BB,若無其事地上一百級樓梯,間中仲可以同街坊傾閒計,聲大大,無喘氣!.....

 

 

阿媽可以單手就挑起掛住六件「濕滴滴」衣服的「浪衫竹」,然後伸出十八樓窗口外,插在特定的三個小洞中.....

 

 

........ 還有... 還有.... 太多啦,阿媽唔識字但可以睇報紙!阿媽唔識數學但可以計到八折之後再送多三個橙係慳左兩個二!阿媽每餐剩係食菜頭菜尾都竟然越來越肥!阿媽從來都唔會病!阿媽阿媽阿媽.......

 

 

阿媽原來係超人,係我一直想追尋的外星生物!」

 

 

阿頭離開屋企,飛奔到醫院。

 

醫院病床上,空無一人。醫生話肥媽堅持要出院喎!

 

阿頭又飛奔回家。回家路上,阿頭經過否屎球場,見到昔日自己(八歲)和波友仔在踢波的情景,當時媽媽在遠處施展獅吼功大嗌:「死仔,仲唔番屋企食飯!.... 」;阿頭再走上長樓梯,嘩,實在太長,要抖抖,他卻見到身旁的媽媽(昔日),拿著幾袋加揹住兩個從後來居上..... 「阿仔,日日都係咁行架啦!」......

 

 

阿頭打開大門,媽媽竟然正「旋風式」地執屋企.... 「媽!我知你原來係.....」大頭叫....... 媽沒有停下來,直至四點的時鐘響起,媽停手了,屋企也光潔如新。

 

媽媽回身向阿頭展露微笑,「阿仔,唔該你乾淨的啦!....

 

說罷,媽媽吐出了長長的一口氣!「好勀呀!.. 」隨便就躺在沙發睡著了......

 

***

 

 

大樹下的一個墓地旁,阿頭和五個兄弟姊妹含著淚。

 

阿頭忍不住向著天大叫:.

 

 

「阿媽,我好崇拜你呀!」

 

「阿媽,我愛你!」

 

遙遠的星球上,肥媽望住「水晶球」畫面傳送器大笑,「傻仔黎既!....

 

肥媽轉身,身後正有一檯麻雀,和三位「肥師奶」,正三缺一呢,肥媽一屁股坐下,笑騎騎地洗牌!

 

肥媽向三人問:「記唔記得我地係地球果時,集合用咩密碼?」

三人齊答:「記得!咪係(大叫)開,檯,啦,喂!...... 哈哈哈哈」....

 

笑聲充滿星球,見全景,盡是很多很多的麻雀檯和偉大的「超能媽媽」們!

 

 

相簿設定
標籤設定
相簿狀態